sru:version: 1.2; sru:query: fcs.rf="mecmua.1_90"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_90"; sru:baseUrl: ; fcs:returnedRecords: 1; fcs:duration: PT0.033S PT0.042S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_90</phrase></query>)];

579 Aġladı muḥkem tażarruʿ eyledi
Gendi bile gitmek içün söyledi

580 ʿÖẕr ėdüb qazlar dėdiler ey faqīr
Nice mümkindür bu iş fikr eyle bir

581 Sende bunca cism ü s̱iqlet vardur
Ṣoḥbetüñ bu yolda bize bārdur

582 Sen bizümle niçe pā‑dāş olasın
Ne ṭarīq‑ile hevā‑dār olasın

583 Şarṭ‑i ülfet oldı cinsīyet ăḫī
Biz hevāyī sen s̱eqīl ü dūzaḫī

584 Bize ẓulm olur uyarsaq saña biz
Göl qurıdıysa n’ola işte deñiz

585 Var ṣıñaruñla geçen bir yaña git
Qurbaġa ṭosbaġa ile ṣoḥbet ėt

586 Aġladı qaplubaġa feryād ėdüb
Dėdi beni qomañuz bunda gidüb

587 Gendümi qatl ėderüm bu derd‑ile
Yā s̱evāb işle vebālüm al dile // Dile iḥyā qıl helāk eyle dile

588 Dėdiler aña be‑hey aḥmaq s̱eqīl
Nice gidersin bizümle niçe mīl

589 Bir nefesde biz niçe mĭl giderüz
Ṣubḥı Şām u şāmı Hindde ėderüz

590 Vėrmedi saña ḫudā çün bāl ü per
Eyledi süflī türābı müsteqarr

591 Biz sebük‑bāruz sen aġır cānavar
Vėrdi her bir cinse ḫālıq bir hüner

592 Bize sürʿat saña baṭuʾ intiqāl
Saña s̱iqlet bize ḥiffet perr ü bāl

593 Bize uçmaq evc‑i aʿlāya ʿurūc
Saña taḥt‑i [!] arża vü sifle vülūc

594 Gel uṣūle eyleme güc göçme sen
Gidelüm bunda qal ṣaġ u esen

595 Ḥāṣılı çoq eylediler qīl ü qāl
Ṭo[s]baġaya dėdi qazlar gitme qal

596 Her ṭarafdan oldı çoq redd‑i cevāb
Eylediler fikr ü tedbīr‑i ṣavāb

597 Qazlar aña ʿāqibet raḥm ėtdiler
Rāh‑i iḥsān u vefāya gitdiler

598 Dėdiler çoqdur aramuzda ḥuqūq
Lāyıq olmaz eylemek şimdi ʿuqūq

599 Şād olub qaplubaġa buldı ṣafā
Dostlardan buldı çün mihr ü vefā